ANG PAGBABALIK

Test mic...1,2,3. Ahem! At wakas, mayroon na naman akong website. Medyo matagal na rin bago ako nagkaroon ng panahon para ayusin ang website ko. Siguro, pangatlo ko na ito at sana naman kahit papaano ma-maintain ko ito. Bakit ko nga ba naisipan na gumawa ulit ng website?Wala lang. Siguro bored na naman ako sa buhay at dahil siguro na-inspire ako ng pinsan ko all the way from Canada na gumawa ng webpage.

In fairness, maganda yung webpage niya. Well, wala na ako magagawa roon dahil likas na matalino siya ayon na rin sa iba naming kamag-anak at ayon na rin sa kanya, magaling siyang maglaro ng poker. Hindi ko rin alam kung may epekto yun pero balang araw susubukan ko at titignan ko ang resulta. So, ano ba ang magiging laman ng websayt na ito? Magandang tanong iyan, pati ako mismo na nagtanong ng tanong na iyan, walang maisip na sagot. Magulo ba? Malamang! Labo mo kasi, Dyempot eh. Naisip ko na lagyan ng slumbook tungkol sa akin

Doon makikita niyo kung ano ang aking buong pangalan, bertdei (para hindi niyo makalimutan ang regalo ko), edad, lucky color, lucky shirt, lucky charm, lucky number, lucky day,lucky moon, lucky star, lotto combination, at iba pa. Iniisip ko lagyan ng piktyur section dahil  mahilig ako kumuha ng litrato gamit ang aking Nokia 3660 o simpleng kamera lang. Mayroon din akong dyornal  dito kung saan ilalagay ko ang mga opinyon, komentaryo, o kung ano man ang gusto kong sabihin sa mga bagay-bagay na nangyayari sa paligid ko.